İnsan Resursları departamentinin Direktoru
 
JOB TITLE: İnsan Resursları departamentinin Direktoru
EMPLOYER: Optimal Electronics LLC DUTY STATION: Azerbaijan
PUBLISHED: 2017-08-16 LAST UPDATED: 2017-08-18 DEADLINE: 2017-08-17

"Optimal Elektronika" MMC mağazalar şəbəkəsi aparıcı dünya istehsalçılarının keyfiyyətli və geniş çeşidli məhsullarını təqdim edir. Mağazalarımızın müştərilərinə audio-video və rəqəmsal texnikanın, iri və xırda məişət texnikasının iki mindən çox növünü təqdim edirik. Təklif etdiyi malların yüksək keyfiyyətinə və göstərdiyi peşəkar xidmətə görə "Optimal Elektronika" Azərbaycan bazarında aparıcı mövqelərdən birini tutmuşdur.

"Optimal Elektronika" MMC mağazalar şəbəkəsi davamlı olaraq inkişaf üzərində çalışır və bu məqsədlə istedadlı mütəxəssislərin cəlb olunması, onların inkişafı, mütəmadi təhsili, peşəkarlıq səviyyəsinin yüksəldilməsi və işgüzarlıq keyfiyyətlərinin artırılması üzrə fəal iş aparır.

Vəzifə: İnsan Resursları departamentinin direktoru

Departament / şöbə: İnsan Resursları departamenti

Namizədə dair tələblər:

• İnsan Resursları Departamentinin Direktoru vəzifəsində minimum 3 il iş təcrübəsi olmalıdır;
• Əvvəlki iş yerlərində minimum 400-500 nəfərlik heyət ilə işləmək təcrübəsi olmalıdır;
• İşçi heyətinin Planlaması, İşə Qəbul, Əmək Fəaliyyətinin Qiymətləndirilməsi, Motivasiya və Təlim Sistemlərinin qurulmasında təcrübəsi olmalıdır;
• Azərbaycan Respublikası Əmək Qanunvericiliyini mükəmməl səviyyədə bilməlidir;
• Ali təhsil; 
• MS Office (Word, Excell, Power Point, Outlook) proqramlarında sərbəst işləmək bacarığı olmalıdır;
• Analitik təhlil qabiliyyətinə sahib olmalıdır;
• Məsuliyyətli və diqqətli olmalıdır;
• Ünsiyyət qurma və yüksək təqdimat bacarığı olmalıdır;
• Azərbaycan dili və Rus dili (əla), İngilis dili (yaxşı);

Vəzifə öhdəlikləri:

• İnsan Resurslarının idarə olunması proqramını tərtib etmək  və müəyyən olunmuş planı şirkət daxilində icra etmək;
• İşçiləri motivasiya və demotivasiya edən amilləri araşdırmaq və motivasiya proqramları hazırlamaq;
• Müvafiq vakansiyalar üzrə yeni namizədlərin seçilməsi, müsahibələrin aparılması,  müasir qiymətləndirmə metodları  ilə namizədlərin qiymətləndirilməsi prosesini təşkil və icra etmək;
• Şirkətdə  işçilərin fərdi inkişaf planının hazırlanması və həyata keçirilməsini təmin etmək;
• İnsan Resurlarına dair kargüzarlıq işinin, habelə sənədləşmə prosesinin Azərbaycan Respublikasının Əmək Qanunvericilinə müvafiq olaraq   düzgün aparılmasını təşkil etmək;
• İnsan Resurlarının fəaliyyəti ilə bağlı mütəmadi olaraq rəhbərliyə hesabatlar təqdim etmək.

İş şərtləri

• Həftədə 6 iş günü, 1 gün istirahət;
• Əmək haqqı: namizədin peşəkar təcrübə, bilik və bacarıqları əsasında təyin edilir;
• Korporativ nömrə və danışıq vaxtı və nahar şirkət tərəfindən təmin edilir.

Müraciət üçün son tarix: 16/09/2017

Yuxarıda qeyd olunan tələblərə uyğun namizədlərdən öz CV-lərini mövzu yerində (subject) “İnsan Resursları Departamentinin Direktoru” qeyd edərək   recruitment@optimal.az  ünvanına göndərməyiniz xahiş olunur.

Go back to Hot Vacancies

 
© Copyright 2006—2017 www.JobSearch.az  
Developed by MicroPHP