Azərbaycan ipoteka fondu vasitəsilə kreditləşmə istiqaməti üzrə Mütəxəssis
 
JOB TITLE: Azərbaycan ipoteka fondu vasitəsilə kreditləşmə istiqaməti üzrə Mütəxəssis
EMPLOYER: International Bank of Azerbaijan Republic DUTY STATION: Azerbaijan
PUBLISHED: 2018-03-12 LAST UPDATED: 2018-03-15 DEADLINE: 2018-04-11

Azərbaycan Beynəlxalq Bankı Azərbaycan ipoteka fondu vasitəsilə kreditləşmə istiqaməti üzrə vakansiya elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Müasir Dövlət Bankının uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.
Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

Vəzifə öhdəlikləri:

 Azərbaycan ipoteka fondu vasitəsilə kreditləşmə ilə əlaqədar müştəriləri qəbul etmək;
 İlkin mərhələdə tələb olunan sənədlər toplusunu müştəridən təhvil alaraq icra üçün yönləndirmək;
 Azərbaycan ipoteka fondu vasitəsilə kreditləşmə istiqamətində sənəd dövriyyəsinin hazırlanması, nizamlanması və tam paket formasında təqdim edilməsi.

Vakant vəzifə üzrə tələblər:

 Ali təhsil (iqtisadiyyat, riyaziyyat və s.);
 Azərbaycan ipoteka fondu vasitəsilə kreditləşmə istiqaməti üzrə minimum 3 il iş təcrübəsi;
 Microsoft Office proqramlarında sərbəst işləmək bacarığı;
 Azərbaycan və rus dillərində səlist danışmaq/yazmaq bacarığı (ingilis dili biliyi üstünlükdür);

Digər əsas keyfiyyətlər:

 Analitik düşüncə, problemləri həll etmə bacarığı;
 Müştərilərlə ünsiyyət qurma və komanda ilə işləmə bacarığı;
 Vaxtı idarəetmə və operativ şəkildə işləmək bacarığı;
 Məsuliyyətli, təşəbbüskar, dürüst, dəqiq və etibarlı kimi keyfiyyətlərə malik olmaq.

Bu iş sizə nələri qazandıracaq:

 Bankın müvafiq sahəsində  iş proseslərini dərindən öyrənmə imkanları;
 İdarəetmə və müvafiq sahədə özünüzü reallaşdırmaq imkanları.

Göstərilən tələblərə cavab verən namizədlər öz CV-lərini  16 mart  2018-ci il tarixinədək cv@ibar.az elektron ünvanına göndərə bilərlər.

Məktubun mövzu hissəsində müraciət edilən vəzifə adının “Azərbaycan ipoteka fondu vasitəsilə kreditləşmə istiqaməti üzrə namizəd” şəklində göstərilməsi xahiş edilir. Əks təqdirdə, müraciətə baxılmaya bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az

Go back to Hot Vacancies

 
© Copyright 2006—2018 www.JobSearch.az  
Developed by MicroPHP