Hüquqi Şəxslərə Xidmət üzrə Mütəxəssis/Aparıcı Mütəxəssis/Baş Mütəxəssis
 
JOB TITLE: Hüquqi Şəxslərə Xidmət üzrə Mütəxəssis/Aparıcı Mütəxəssis/Baş Mütəxəssis
EMPLOYER: International Bank of Azerbaijan Republic DUTY STATION: Azerbaijan
PUBLISHED: 2018-10-24 LAST UPDATED: N/A DEADLINE: 2018-11-23

Azərbaycan Beynəlxalq Bankı filiallarda Hüquqi Şəxslərə Xidmət üzrə Mütəxəssis/Aparıcı Mütəxəssis/Baş Mütəxəssis (Əməliyyatçı) vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Müasir Dövlət Bankının uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

Vəzifə öhdəlikləri:

 Qüvvədə olan qanunvericiliyə uyğun müvafiq prosedurlar əsasında hüquqi şəxslərin bank hesabları üzrə əməliyyatlar aparmaq;
 Müştərilərin hesablarına vergi, məhkəmə orqanları və DSMF tərəfindən qoyulmuş sərəncamların reyestrini aparmaq, icrasını təşkil etmək;
 Hüquqi şəxslərin hesabları üzrə əməliyyatların aparılması üçün müvafiq tədbirlər görmək;
 Nağd vəsaitlərin verilməsi və qəbul edilməsi üzrə əməliyyatlar aparmaq;
 İş gününün başlanğıcında bank sistemində çap olunmuş çıxarışları yoxlamaq, ilkin sənədlərin sürətlərini çıxarıb müştərilərin qovluqlarına tikmək;
 İş gününün sonunda əməliyyatlar başa çatdıqdan sonra müştərilərin hesablarının qalıqlarını yoxlamaq.

Tələb olunan səriştələr:

 Ünsiyyət bacarığı;
 Analitik düşüncə və təhlil qabiliyyəti;
 Komandada işləmək bacarığı.

Vakant vəzifə üzrə tələblər:

 Ali təhsil;
 Azərbaycan və rus dillərində mükəmməl səviyyədə danışıq və yazı bacarığı (ingilis dili biliyi namizəd üçün əlavə üstünlük sayılır);
 Bank sahəsində (Hüquqi şəxslərə xidmət istiqaməti üzrə) 1-4 il iş təcrübəsi;
 Ofis proqramlarında sərbəst iş bacarığı.

Bu iş sizə nələri qazandıracaq:

 Bankın əməliyyat sahəsini dərindən öyrənmə və bankda inkişaf imkanları;
 Regionun aparıcı Bankında özünü reallaşdırmaq imkanı;
 Təcrübəli və motivasiyalı komandanın üzvü olmaq;
 Adekvat əmək haqqı.

Göstərilən tələblərə cavab verən namizədlər 10 Noyabr 2018-ci il tarixinədək cv@ibar.az elektron ünvanına göndərə bilərlər.
Məktubun mövzu hissəsində müraciət edilən vəzifə adının “Hüquqi Şəxslərə Xidmət üzrə namizəd” şəklində göstərilməsi xahiş edilir. Əks təqdirdə, müraciətiniz nəzərdən qaça bilər.
İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az

Go back to Hot Vacancies

 
© Copyright 2006—2018 www.JobSearch.az  
Developed by MicroPHP