İP Telefoniya üzrə inzibatçı
 
JOB TITLE: İP Telefoniya üzrə inzibatçı
EMPLOYER: International Bank of Azerbaijan DUTY STATION: Azerbaijan
PUBLISHED: 2020-11-18 LAST UPDATED: N/A DEADLINE: 2020-12-18

Azərbaycan Beynəlxalq Bankı İnfrastruktur və əməliyyatlar departamentinin İT infrastrukturların idarə edilməsi şöbəsinə İP Telefoniya üzrə inzibatçı axtarışındadır.

Özünə və peşəkar bacarıqlarına güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Azərbaycan Beynəlxalq Bankının komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• Beynəlxalq standartları yerli bazara gətirən qurumda potensialı reallaşdırmaq şansı;
• Rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• Gənc və peşəkar kollektivdə çalışmaq imkanı
• Yüksək komanda ruhunda əməkdaşlıq;
• Karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması;
• Əməkdaşların yeni trendlərə uyğun təşkil olunan daxili və xarici təlimlərdə iştirakı;
• Əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

- Şəbəkə və telekommunikasiya avadanlıqlarını quraşdırmaq və sazlamaq;
- Bankın şəbəkəsində yaranan problemlərin həll olunmasında və şəbəkəyə daxil olmaq üçün buraxılışların verilməsində texniki dəstək;
- IT Rəhbərliyi üçün şəbəkə və telefoniya ilə bağlı hesabatlar hazırlamaq, telefonlarda və əlaqəli xidmətlərdə yaranan problemlərin həllində istifadəçilərə texniki dəstək;
- Şəbəkə və telefoniya ilə əlaqədar yeni sistemləri quraşdırmaq, sazlamaq və yaranan problemləri həll etmək;
- Bankda şəbəkə və telefoniyanın inkişafı və optimizasiyası üçün yaradıcı təkliflər vermək.

Bizim üçün ideal namizəd:

- CUCM,UCCX,CUCN,CUP 10.X/12.X, IP Telefoniya kimi UCC texnologiyaları ilə yüksək səviyyədə iş təcrübəsinə sahib;
- Enterprise VoIP, SIP Trunking, IVR, Call Center, zənglərin yazılması, korporativ direktoriya inteqrasiya, audio, video və veb konfranslarda geniş miqyaslı və çox saylı müəssisə mühitlərində yüksək səviyyədə iş təcrübəsinə malik;
- Geniş miqyaslı server topologiyasını təmin etmək bacarığına sahib;
- Cisco UC sistemi ilə 3+ iş təcrübəsinə sahib;
- Sadələşdirilmiş Texniki İngilis dili (ehtiyac olduqda İngilis dilində texniki sənədləri başa düşmək üçün) biliyi olan;
- CCNP Voice sertifikatına malik;
- Kollektivlə işləmək bacarığına sahib olan şəxsdir.

Göstərilən tələblərə cavab verən namizədlər öz CV-lərini tarixinədək cv@ibar.az elektron ünvanına göndərə bilərlər.
Məktubun mövzu hissəsində müraciət edilən vəzifə adının “İP Telefoniya üzrə inzibatçı” şəklində göstərilməsi xahiş edilir. Əks təqdirdə, müraciətə baxılmaya bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az

Go back to Hot Vacancies

 
© Copyright 2006—2020 www.JobSearch.az  
Developed by MicroPHP