Trade Marketing specialist
 
JOB TITLE: Trade Marketing specialist
EMPLOYER: Grand Motors DUTY STATION: Azerbaijan
PUBLISHED: 2021-01-13 LAST UPDATED: N/A DEADLINE: 2021-02-12

Şirkət haqqında:

Grand Motors” MMC 2005-ci ilin sentyabr ayında təsis edilmişdir. Azərbaycan bazarının tikinti, kənd təsərrüfatı, istirahət və əyləncə sektorunu hədəf götürən şirkət fəaliyyətini bu istiqamətdə qurmuşdur. Bu baxımdan, “Grand Motors” MMC ağır texnika və yük avtomobillərinin Azərbaycan Respublikasına idxalını və satışını həyata keçirir.

Hazırda şirkət dünyada tanınmış 14 istehsalçının Azərbaycanda rəsmi təmsilçisidir. Bunlar aşağıdakılardır: New Holland Construction, CIFA, New Holland Agricultural, Dynapac, Shantui, Foton, Macshio Gaspardo, Sea Ray, Kawasaki, Davino, Fassi, Pramac, Zorn İnstruments, Sulzer, Weber

“Grand Motors” şirkətində yaradılan infrastruktur texnika və avadanlığın istehsalçıların zavodlarından çıxaraq alıcıya çatdırılana qədər olan mərhələni nəinki izləməyə, hətta ondan sonrakı mərhələni də nəzarət altında saxlamağa imkan verir. Bu mənada, satılmış texnikalara texniki xidmət və ehtiyat hissələrinin təchizatı da şirkətin fəaliyyətinin ayrılmaz hissəsidir.

“Grand Motors” MMC istehsalçının zavodlarında təlim keçmiş yüksək ixtisaslı personalla 24 saat operativ, mobil və stasionar servis xidməti həyata keçirir. Şirkət müştərilərinə keyfiyyətli servis xidməti üçün öz personalını təmsil etdiyi şirkətlərin zavodlarında, təlim mərkəzlərində mütəmadi olaraq kurslara göndərərək, onların ixtisas dərəcələrini artırır. Eyni zamanda, nasaz olan texnikaları müştərilərin ərazilərində də təmirini təmin etmək üçün servis mərkəzində mobil səyyar qruplar yaradılmışdır.

Müştərilərinə tam xidmət göstərilməsini təmin etmək məqsədi ilə şirkət yerli və xarici banklarla əməkdaşlıq edərək, alınan texnikalara güzəştli lizinq və kredit şərtləri də təklif edir. Bu məqsədlə şirkət daxilində lizinq şöbəsi yaradılmışdır. Şöbədə kredit və ya lizinqlə texnika almaq istəyən müştərilərin imkanları təhlil olunur və onlara optimal şərtlər müəyyən edilir. Bununla müştərilərə həm də kredit və lizinqin alınmasında yardım göstərilir.

Fəaliyyətində daim “Yüksəlişə doğru!” fəlsəfəsini əsas tutan “Grand Motors” MMC günbəgün inkişaf etməkdədir.

Vəzifə: Trade Marketing üzrə mütəxəssis

İşin təsviri: 

- Bazarın araşdırılması, rəqabət şəraitinin müəyyən edilməsi üzrə davamlı olaraq işlər görür
- Məhsul və qiymət siyasətinin müəyyən edilməsi ilə bağlı əsaslandırılmış hesabatlar və təkliflər təqdim edir
- Satış şəbəkəsinin genişlənməsi və səmərəliliyinin artırılması ilə bağlı loyallıq tədbirlər hazırlayır və komanda ilə birgə icra edir
- Merçendayzinq işinin təşkilinə nəzarət edir
- Kontakt nöqtələrinin inkişafı ilə bağlı işləri koordinasiya edir

Namizədə dair tələblər:

- İqtisadiyyat və ya marketinq sahəsində ali təhsilin olması arzuolunandır;
- Marketinq sahəsində 2-3 il iş stəcrübəsi olmalıdır;
- MS Office proqramlarında yaxşı səviyyədə işləməyi bacarmalıdır;
- Topdan və pərakəndə satış sektorunda, xüsusilə də avtomobil sürtgü yağları sahsində iş təcrübəsi ciddi üstünlükdür;
- Ticari marketinq işinin təşkili ilə bağlı nəzəri və praktiki biliklərə malik olmalıdır
- Azərbaycan dilində əla, rus dilində yaxşı səviyyədə danışa bilməlidir
- Enerjili, məsuliyyətli və punktual olmalıdır;
- Şəxsi avtomobilinin olması üstünlükdür.

İş şərtləri:

- 5 iş günü tam, 6-cı gün qısa iş günü
- Ünvan: Binəqədi ş. Mədən küç., 4 (Xırdalan, Neptun Marketlə üzbəüz)
- Ə/h: 1200-1300 azn net
- Korporativ nömrə

Maraqlanan namizədlər mövzu yerində “Trade Marketing specialist” yazmaqla öz CV-lərini chingiz.eyvazov@grandmotors.az ünvanına göndərə bilərlər.

Go back to Hot Vacancies

 
© Copyright 2006—2021 www.JobSearch.az  
Developed by MicroPHP